Најгледаната серија во светот, Игра на тронови, се враќа на малите екрани од 25 април. По извонредната петта сезона и шокантното финале кое нѐ остави со најголемата мистерија – судбината на еден од главните протагонисти и омилен лик на публиката, Џон Сноу, конечно се враќаме во мистичниот и брутален свет на Вестерос со одговори.

Безброј фанови низ светот со нетрпение го очекуваат почетокот на новата, шеста сезона на планетарниот ТВ хит – Игра на тронови. Екипата од HBO ветува уште поголеми и застрашувачки откровенија за ликовите од големите фамилии – Старк, Ланистер, Грејџој, Таргеријан, итн. Која е судбината на несудениот крал на Вестерос, Станис? Дали Санса Старк конечно ќе се извлече од канџите на безмилосниот Ремзи? Кои се следните планови на Тирион Ланистер? На другиот крај од Вестерос, каква одмазда подготвува Серси по срамното понижување? И конечно, што значи враќањето на Брен Старк и каква е неговата мисија да ја открие слабоста на Белите Одачи...

Гледајте ја премиерната епизода само 24 часа по нејзиното прикажување во САД, во понеделник, 25 април на HBO на MaxTV во 20:00 часот. Доколку сѐ уште го немате активирано НВО филмскиот пакет, тоа можете да го направите преку даличинскиот управувач на Мени >ТВ канали >MaxTV пакети, преку веб на Мој Телеком, со повик во Контакт центарот на 122 или во Телеком продавниците.

Дополнително, доколку сакате да се потсетите на настаните од претходната сезона, или пак, сакате маратонски да ги изгледате сите 50 досегашни епизоди, тоа можете да го сторите на Мени > HBO OD > Серии > Игра на тронови.

Информации

{{Title}}