Фондацијата на Македонски Телеком “е-Македонија” оваа година почнува со нова програма и донации за развој на информатичкото општество. Фондацијата е основана во 2004 година, во чест на починатиот претседател Борис Трајковски а нејзина основна цел е создавање на дигитално општество и овозможување на ранливите групи на граѓани да ги користат новите технологии и да бидат ефективно вклучени во дигиталното општество.

Целта на фондацијата останува иста, но се зголемува бројот на проекти и големината на донацијата. Во 2012 година планиранo e: отворање на компјутерски работилници и едукативни центри, доделување на стипендии за најдобрите студенти од ИТ областа, поддршка на изуми на полето на ИТ и ИТ софтвер како и зголемување на свеста за Интернет и информатичката технологија. Вкупната финансиска поддршка за оваа година изнесува околу 60.000 евра.

На 28 март, е-Македонија објавува тендер за првиот проект од новата програма „е-училници“. Проектот има за цел да им овозможи на социјално загрозените граѓани бесплатно да дојдат до основни познавања на работата со компјутери. Е- училници ќе се реализира преку три центри во Македонија (во Скопје, во источна и западна Македонија), каде на социјално загрозените граѓани ќе им биде одржана настава преку која ќе научат Word, Excel, електронска пошта и интернет. Донацијата на Фондацијата е 12 000 евра (по 4 000 за секој од центрите) и обезбедување на целата опрема за реализација на наставата во износ од 15.000 евра.

На тендерот, кој од утре ќе биде објавен во дневните весници и социјалните медиуми ќе можат да се пријават сите невладини организации кои ги исполнуваат условите. А апликацијата за учество на граѓаните во проектот ќе биде објавена на веб страната на фондацијата www.e-makedonija.gov.mk.

Проектот ќе трае до 31 декември, 2012, но и наредната година, Фондацијата ќе продолжи со отворање на едукативни центри.

„Телеком, преку Фондацијата е-Македонија, ги создава потребните основи за технологија и знаење со цел да осигури што повеќе луѓе да ги искористат предностите на овие можности - од експанзијата на DSL мрежи со голема брзина до посебни технолошки производи за лица со посебни потреби. “– изјави Даниел Сас, претседател на Фондацијата и Главен извршен директор на Телеком.

„Во денешно време новите технологии се составен дел од секојдневниот живот и работа. Нашата цел е да ги вклучиме и оние кои немаат можност, односно кои доаѓаат од социјално загрозени средини во дигиталното општество. Преку е- училници ќе им овозможиме да ги научат основите во работата со компјутери, што понатаму може да им помогне при вработување или воопшто во секојдневниот живот. Што повеќе луѓе ефективно да учествуваат во дигиталното општество – тоа е нашата цел како фондација“ – изјави Радмила Гутевска, директор на Фондацијата е – Македонија.

Информации

{{Title}}