Во својот вообичаен термин, од 20 до 24 октомври, со поддршка на долгогодишните пријатели Македонски Телеком и T-Mobile, се случува 30-то јубилејно издание на Скопскиот џез фестивал, манифестација којашто во изминатите три децении израсна во настан кој ја стави Македонија на мапата на најзначајните светски музички случувања.

Триесеттото издание на фестивалот годинава најавува извонредно богата, квалитетна, досега најдолга и најсодржајна програма. Во рамките на програмата, ќе бидат застапени водечки имиња на светскиот џез свет, при што доминираат млади групи во подем.

Јубилејот на една од најзначајните културни манифестации во Македонија, ќе го одбележат двете легендарни имиња на џезот кои прв пат настапуваат во Македонија – Пет Мaтини и Вејн Шортер. Покрај нив, македонската публика ќе има несекојдневна можност да ги проследи и да ужива во настапите на уште неколку навистина големи имиња на американскиот и европскиот џез, богата придружна програма, адекватна изложба и промоција на луксузната монографија.

Покрај петте фестивалски дена на традиционалните локации во Универзалната сала и МОБ, по повод јубилејот, годинашново издание на Скопски џез фестивал е збогатено и со двата пред-фестивалски концерта. На првата вечер настапија македонската група „Сетстат“ и триото на Васил Хаџиманов, по повод нивните нови ЦД-изданија под етикетата на СЏФ. Втората вечер беше посветена на европскиот фестивал со долгогодшна традиција на млади џез групи „12 Поинтс“, на кој настапија најдобрите млади џезери.

Скопскиот џез фестивал, кој што неколку години по ред се одржува со поддршка на Mакедонски Tелеком и T-Mobile, има голема репутација, не само кај македонските љубители на џез музиката, туку и во пошироки светски рамки, претставувајќи ја Македонија како место каде досега се собрале најголемите звучни имиња. Токму затоа, фестивалот претставува вистински празник за сите оние кои што уживаат во звуците на џезот.

MaxTV на сите љубители на џез музиката, ексклузивно им обезбедува можност да ги гледаат настапите на врвни џезери од досегашните изданија на Скопскиот џез фестивал.

Концерти од Скопје џез фестивал достапни се за сите MaxTV корисници во бесплатната ТВ архива. За сите останати вљубеници во џез музиката, избор од настапи на досегашните изданија на Скопскиот џез фестивал обезбедивме и преку web на порталот Идивиди.

Информации

{{Title}}