Rritje e numrit të abonuesve në çdo segment të shërbimeve: internet, televizion dhe shërbime celulare postpejd
Fitimi neto në kuartalin e tretë është rritur për 9,6 për qind
Lider në treg për televizion

Makedonski Telekom vazhdon me punën e suksesshme edhe në kuartalin e tretë të vitit 2019. Kompania realizoi rritje të fitimit neto dhe të ardhura të rritura nga shitja në krahasim me periudhën e njëjtë vitin e kaluar. Edhe më tej shënojmë rritje në numrin e shfrytëzuesve të telefonisë celulare dhe internetit, e përforcojmë pozitën prej lideri në segmentin e televizionit. Puna pozitive e kompanisë e cila vazhdon edhe në kuartalin e tretë na konfirmon se jemi në rrugën e duhur të rritjes së qëndrueshme dhe na mundëson t’i vendosim pritshmëritë për punën tonë të ardhshme në nivel më të lartë.

Rritje e vazhdueshme e parametrave financiarë

Të ardhurat e shitjes së Makedonski Telekom në nëntë muajt e parë të vitit 2019 në krahasim me vitin e kaluar, janë rritur për 2,2 për qind dhe janë 7.937 milionë denarë. Fitimi operativ para interesit, tatimimit dhe amortizimit (EBITDA) për periudhën e njëjtë është rritur për 5,3 për qind në krahasim me vitin e kaluar, ndërsa fitimi neto shënon rritje prej 9,6 për qind.

Rritje e bazës së shfrytëzuesve

Makedonski Telekom në fund të nëntë muajve të parë të vitit 2019 ka rritje të numrit të abonuesve në të gjitha segmentet. Me rritjen prej 1,8 për qind të bazës abonuese postpejd, numri i përgjithshëm i abonuesve në segmentin celular është 1.258 mijë. Është rritur baza edhe e abonuesve të cilët kanë qasje në internetin me shtrirje të gjerë për 4,0 për qind, ndërsa numri i përgjithshëm është 200,4 mijë.

Makedonski Telekom mbetet lider në segmentin e TV-së me numër abonuesish i cili vazhdimisht rritet (duke përfshirë Magenta 1, Internet&TV dhe TV shërbime të tjera), që në fund të nëntë muajve të parë të vitit 2019 rezultoi me bazë prej 133,5 mijë abonuesish. MaxTV mbeti zgjedhja numër një e abonuesve, si rezultat i cilësisë, përmbajtjeve ekskluzive, mundësive të pakufizuara për interaksion, si edhe TV përvojës unike. Në mënyrë plotësuese, me konceptin e ri digjital në Magenta 1, i promovuar në kuartalin e tertë këtë vit, abonuesit e familjes tonë më të madhe mund të aktivizojnë opsione plotësuese pa kompensim, çdo muaj, varësisht prej nevojave të tyre, për përditshmëri më të thjeshtë dhe më të mençur.

Fokus i fuqishëm i investimeve në rrjet

Edhe në këtë kuartal me investime të vazhdueshme në infrastrukturë i përmirësojmë kapacitetet tona. E rritëm numrin e amvisërive të mbuluara me optikë për 11,3 për qind në krahasim me periudhën e njëjtë vitin e kaluar. Tani, mbi një e treta e amvisërive në vend kanë mundësi të lidhen me rrjetin optik të Telekomit dhe t’i shfrytëzojnë beneficionet e kësaj teknologjie.

________________________________________

Efektet e punës për nëntë muajt e parë të vitit 2019 të cilat janë shfaqur më lartë, për shkak të analizës krahasuese me vitin e kaluar janë dhënë pa ndikimin e Standardit Ndërkombëtar për Raportim Financiar 16 “Naemi”.

Соопштенија за медиуми

{{Title}}