Klinika për Gjinekologji dhe Obstetrikë në Shkup ka pranuar një donacion me vlerë nga Makedonski Telekom. Bëhet fjalë për një pajisje moderne, multifunksionale për anestezi të pacientëve që i nënshtrohen operacioneve të natyrës gjinekologjike dhe obstetrike. Kjo është pajisja e parë e tillë në klinikë dhe në përgjithësi në vend, e siguruar për nevojat e klinikës për kujdes më të mirë ndaj pacientëve.

Drejtoresha e Klinikës për Gjinekologji dhe Obstetrikë, doc.dr. Viktoria Jovanovska, deklaroi: "Kjo pajisje do t'u ndihmojë dukshëm të gjithëve, por veçanërisht pacientëve me rrezik të lartë të cilët janë të ekspozuar ndaj anestezisë gjatë operacioneve të vështira dhe të gjata. Bëhet fjalë për një arritje teknologjike që do të jetë në shërbim të më shumë se 3000 operacioneve komplekse gjinekologjike që kryhen çdo vit në klinikën tonë. Ky donacion është edhe më domethënës sepse e marrim në një kohë të reduktimit të dukshëm të aparaturës ekzistuese për shkak të shfrytëzimit, si dhe në një periudhë në të cilën investimet janë ulur ndjeshëm për shkak të periudhës së pandemisë.

Prof Dr. Sivevski, shef i Repartit të Kujdesit Intensiv, Anestezisë dhe Reanimacionit deklaroi: “Funksioni kryesor i aparatit është të anestezojë pacientët në çështjet gjinekologjike dhe obstetrike. Përfitimet nga pajisja, e cila është superiore si nga karakteristikat, ashtu edhe nga cilësia, janë të mëdha sepse do të përdoret tek të gjithë pacientët...

Sigurimi i kësaj pajisje, e cila është e vetmja e këtij lloji në vend, do të plotësojë kapacitetet me pajisjet ekzistuese, gjë që do të ndikojë dukshëm në mbarëvajtjen e programit për ndërhyrje”.

“Makedonski Telekom është pjesë e këtij komuniteti dhe ka përgjegjësi të kontribuojë në zhvillimin e shoqërisë dhe mirëqenien e njerëzve në Maqedoni. Ne e kemi detyrim jo vetëm të krijojmë zgjidhje digjitale të avancuara që u ndihmojnë njerëzve në jetën e tyre të përditshme, por edhe të marrim pjesë aktive në aktivitete të dobishme shoqërore me interes për të gjithë. Shpresojmë që ky donacion të ofrojë shërbime më të mira gjinekologjike për nënat dhe të porsalindurit që kanë më shumë nevojë. Si kompani me përgjegjësi sociale, ne do të vazhdojmë të mbështesim projekte që e pasqyrojnë angazhimin tonë për një jetë më të mirë për të gjithë”, - deklaroi Drejtori kryesor ekzekutiv i Makedonski Telekom, Nikolla Lushev.

Pres Qendra

{{Title}}