Македонски Телеком и T-Mobile и оваа година ќе се приклучат во глобалната акција за заштита на животната средина „Час за планетата земја“ (Earth hour), која годинава се организира по шести пат.

Во рамките на акцијата, во периодот од 20:30 до 21:30 часот, на 31 март, сабота ќе биде исклучена електричната енергија во сите продавници и во административните згради на Македонски Телеком и T-Mobile. Во овој период, единствено нема да се исклучат уредите и светлата потребни за непречено одвивање на телекомуникацискиот сообраќај во државата.

Компаниите, како дел од Дојче Телеком Групацијата, со акциите од овој тип активно придонесуваат за подигнување на јавната свест за заштита на животната средина преку ефикасно користење на електричната енергија. Покрај вклучувањето во оваа глобална акција, Македонски Телеком и T-Mobile во своето секојдневно работење преземаат активности за заштеда и одржливост на природните ресурси.

Акциjaта „Час за планетата земја“ е покрената во 2007 година, за да се укаже на катастрофалните последици од претераното трошење на енергијата и истовремено да се поттикне користење на обновливи извори на енергија. Повеќе од 5 200 градови во 135 земји ширум светот, минатата година се приклучија кон акцијата и ги исклучија светлата, укажувајќи на потребата од зголемување на свесноста за ефикасно трошење на енергијата.

Информации

{{Title}}