Makedonski Telekom e vazhdon trendin pozitiv të rritjes dhe zhvillimit në të gjitha segmentet edhe në gjysmëvjetorin e parë të vitit 2023. Fokusi kryesor strategjik mbetet përhapja intensive dhe rritja e kapacitetit dhe cilësisë së rrjetit veçanërisht atij optik dhe infrastrukturës 5G për të siguruar përvojë abonuese akoma më të mirë.

Fitimi operativ para interesit, tatimimit dhe amortizimit (EBITDA), i cili vitin e kaluar shënoi ulje, në gjashtë muajt e parë të vitit 2023 është rritur për 7,7 për qind në krahasim me periudhën e njëjtë të vitit të kaluar. Edhe fitimi neto është në rritje prej madje 29,8 për qind. Të ardhurat e përgjithshme të shitjes janë stabile, në korniza të së cilave shënohet rritje e të ardhurave të biznesit kryesor prej 6,3% në segmentin celular dhe 3,5% në segmentin fiks.

Fokusi në zgjerimin intensiv dhe zhvillimin e rrjetit

Superioriteti i rrjetit mbetet një prioritet strategjik dhe vazhdon përhapja intensive e infrastrukturës optike dhe 5G. Në 6 muajt e parë të vitit, numri i qasjeve optike është rritur për 11% dhe ka arritur në 290.000. Ky është rezultati i planit për migrimin masiv të shfrytëzuesve nga bakri në optikë në të gjitha pjesët e vendit ku ka mbulim optik.

Vazhdon përhapja edhe e rrjetit 5G, i cili tani është i disponueshëm në pjesën më të madhe të vendit, ndërsa deri në fund të vitit pritet të mbulohen 70% e popullatës.

Fokusi në rritjen e bazës së abonuesve

Në 6 muajt e parë të vitit, numri i abonuesve rritet në të gjitha segmentet, gjë që është një konfirmim i kënaqësisë së abonuesve e matur me indeksin TRI*M 94.

Numri i abonuesve të internetit me shtrirje të gjerë është rritur për 2.8 për qind dhe është 206,2 mijë, ndërsa numri i përgjithshëm i qasjeve në internet është rritur gjithashtu për 2.8 për qind.

Ne mbetemi lider në tregun televiziv me pjesëmarrje prej 33.8 për qind dhe rritje prej 1.2 për qind apo 148,7 mijë abonues. Në komunikimet celulare, baza e abonuesve është rritur për 3.1 për qind, me çka numri i abonuesve u rrit në 1,27 milionë. Në telefoninë fikse, mbetemi në pozitën kryesore me pjesëmarrje prej 61.5 për qind dhe 225 mijë abonues.

„Rezultatet e shkëlqyera financiare të gjysmës së parë të vitit 2023 e konfirmojnë strategjinë tonë afatgjate për investime të vazhdueshme në zhvillimin e rrjetit më të mirë dhe një eksperience superiore të abonuesve. Kemi realizuar rritje të abonuesve në të gjitha segmentet dhe zhvillim intensiv të optikës, teknologjisë 5G dhe në qasjen në internet me shtrirje të gjerë. Përkundër të gjitha sfidave që sot globalisht prekin bizneset, ne kemi rritje dhe zhvillim të qëndrueshëm dhe besoj se do ta vazhdojmë këtë trend deri në fund të vitit” – potencoi Sllavko Projkoski, Drejtor kryesor për Financa në Makedonski Telekom.

Pres Qendra

{{Title}}