Во пресрет на празнувањето Стара Нова година, а во чест на Свети Василиј Велики, традиционално на 13 и 14 јануари по 1400 пат се одржа Вевчанскиот карневал. Дел од оваа манифестација, која е бисер на македонската традиција и препознатлив бренд ширум светот и оваа 2013 година беше Т брендот.

Карневалот според своите специфични особини се одвојува од останатите во светот поради неговата архаичност, традиционалност, таинственост и уникатни маски. На настанот му се восхитуваат илјадници странски посетители секоја година збогатен со неговата културна и историска вредност.

Годинешната културно уметничка програма ја одбележа настапот на КУД Дримкол од Вевчани, Скандал састав, Верица Ристевска, Стрингс - Пламенка Трајковска трио, Пука козметика и Дивље јагоде. Дополнително, програмата со своето учество ја збогатија и Чаки панкерот, Дијана бенд, Нино Величковски , како и фолк звездата Благица Павловска

Официјалниот дел на карневалот се одвива на 13 јануари напладне. Карневалското дефиле се случува на вевчанските улици, кои стануваат отворена сцени за парада на маски со кои се илустрира инвентивноста и досетливоста на тие што ги носат. Покрај традиционалните маски - Невеста и Зет, Глупав Август, Музичари и Ѓаволи, останатите се по избор на карневалските групи кои секојдневниот и социјалниот живот го исмеваат и преку своите костуми и гестикулација.

Карневалот секогаш завршува на зајдисонце на 14 јануари, денот кога се празнува Василица, со церемонијално палење на маските. Фрлањето на маските во огнот го симболизира уништувањето на злото, прочистување од лоши духови и влегување со чиста душа во новата година која на тој датум почнувала според стариот календар.

Информации

{{Title}}