Безбедно дигитално работење со сертификатите за електронски потпис на Македонски Телеком

Ако поседувате мал, среден или голем бизнис, интернационална компанија, или пак сте трговец-поединец којшто го гради своето портфолио во светот на бизнисот, потребно е да се осигурите дека вашите дигитални трансакции и документи се валидни, интернационално признаени и целосно безбедни.

Започнувањето на процесот на дигитализација значи и избирање на вистинските услуги коишто го прават работењето полесно и поефикасно. Дигиталните сертификати се основата во работењето со електронски документи, тие го заменуваат своерачниот потпис и се „личната карта“ во дигиталниот свет.

Дигиталните сертификати за електронски потпис можат да се применат во повеќе аспекти од секојдневното работење, како за: потпишување фактури, дописи и нарачки, документи за учество во тендери или потпишување партнерски договори, поднесување документи преку системот за јавни набавки, поднесување даночни пријави, пријава и обнова на работни односи, како и во многу други ситуации. Со примената на електронските потписи се докажува идентитетот на потписникот и се покажува дали документот е изменет, со што се обезбедува доверливост на дигиталните трансакции.

Македонски Телеком е квалификуван давател на доверливи услуги и гордо го носи знакот за доверба, којшто гарантира дека давателите на електронски услуги и услугите за доверба коишто тие ги нудат се во согласност со правилата утврдени во законската рамка. Телеком има изградено инфраструктура на јавни криптографски клучеви и е регистриран издавач на сертификати во согласност со Законот за електронски документи, електронска идентификација и доверливи услуги и законодавството на ЕУ.

Дигиталните сертификати се клучни за градење доверба, обезбедување интегритет на податоците и усогласување со регулаторните барања и тие се наменети за физички лица кога ги користат во свое лично име или во име на правното лице коешто го застапуваат.

Модерните дигитални алатки нема да ја завршат работата наместо вас, но дефинитивно ќе ја направат поедноставна, попрегледна и, уште поважно, побезбедна! Направете го следниот чекор и одберете партнер којшто ќе ви помогне да го дигитализирате бизнисот според вашите потреби.

Дигитализација

{{Title}}