Rrjeti 5G i Makedonski Telekomit është në dispozicion thuajse në të gjitha vendbanimet më të mëdha në Maqedoni. Shkupi si edhe 15 qytete të tjera dhe rrethinat e tyre i përdorin shërbimet 5G, ndërsa nga qershori deri në tetor me pajisje prej gjeneratës më të re të pestë do të mbulohen edhe: Tetova, Gostivari, Kërçova, Dibra, Kumanova, Kriva Pallanka, Koçani, Vinica, Dellçeva dhe Berova.
Me rrjetin e parë komercial 5G që është në funksion që nga shkurti i këtij viti, abonuesit e Makedonski Telekomit tashmë i përdorin shërbimet 5G paralelisht dhe në kombinim me 4G, me teknologji të avancuar për përdorim dinamik të radio frekuencave ekzistuese. Menjëherë pas përfundimit të procesit të ndarjes së radiofrekuencave për radio valët 700MHz dhe 3.6GHz nga AKE, rrjeti 5G i Telekomit do ta ofrojë potencialin e plotë për internet super të shpejtë mobil në gigabit me shpejtësi deri në dhjetë herë më të larta se 4G.
Lista e telefonave të certifikuar 5G të Telekomit po rritet çdo ditë për t'u mundësuar abonuesve të zgjedhin nga sa më shumë pajisje. Risi janë Samsung Galaxy Fold 3 dhe Samsung Galaxy Flip 3, kështu që pothuajse të gjithë telefonat në portofolin e Telekomit që e kanë këtë opsion do të jenë të certifikuar për 5G.
Telekomi filloi me ndërtimin e rrjetit 5G në prill të vitit 2021 dhe me punë të përkushtuar në terren, deri në fund të tetorit do ta përmbushim planin dhe 26 qytete me rrethinat e tyre do të mbulohen me 5G ndërsa banorët e tyre do ta përdorin teknologjinë e gjeneratës së fundit.
Në vetëm një vit e gjysmë, e kemi ndërtuar rrjetin e parë dhe më të madh 5G në Maqedoni, me qëllim që të sigurojmë qasje në këtë teknologji për sa më shumë abonues dhe të mundësojmë zhvillimin e shërbimeve të papara deri më tani, të përshtatshme me epokën e re digjitale.
Më shumë informacione për mbulimin, tarifat dhe pajisjet 5G mund të merrni në linkun vijues.