Green Magenta Good Magenta

Të përkushtuar në një të ardhme të qëndrueshme

Në botën e sotme të lidhur onlajn, përgjegjësia është jashtëzakonisht e rëndësishme. Një përgjegjësi që shkon një hap më tej në krijimin e një infrastrukture superiore. Përgjegjësi për qëndrueshmërinë dhe ruajtjen e burimeve natyrore, përgjegjësi për reduktimin e hendekut digjital dhe një shoqërie digjitale të barabartë. Përgjegjësi për një të ardhme të përbashkët të qëndrueshme.

Me markat #GreenMagenta dhe #GoodMagenta, Dojçe Telekom e thekson dhe e shënon përgjegjësinë për mjedisin jetësor dhe shoqërinë.

#GreenMagenta përdoret për produkte, projekte, masa dhe iniciativa që sjellin ndryshime pozitive për të reduktuar ndryshimet klimatike dhe përdorimin e përgjegjshëm të burimeve. Këto marka sillen nga iniciativa të jashtëzakonshme nga i gjithë grupacioni.

#GoodMagenta ka të bëjë me iniciativat që sjellin ndryshime pozitive në botën digjitale, që ndikojnë në uljen e hendekut digjital. Në këtë kontekst, krijimi i një hapësire interneti më të mirë dhe më të sigurt është veçanërisht i rëndësishëm.

Green
magenta
Good
magenta

Green magenta

Nismë për reduktimin e mbetjeve elektronike – Eko zbritje

Si pjesë e grupacionit Dojçe Telekom jemi të përkushtuar në uljen e ndikimit të dëmshëm mbi natyrën me punën tonë të përditshme dhe përmes inkurajimit të nismave të gjelbra. Ndryshimet klimatike na prekin të gjithëve dhe kemi përgjegjësi të përbashkët për ta bërë dallimin. Ekonomia rrethore është përcaktimi ynë strategjik, ndërsa një nga elementet kryesore të ekonomisë rrethore është reduktimi i mbetjeve elektronike dhe ripërdorimi i materialeve nga telefonat e vjetër celular.

Makedonski Telekom, së bashku me filialet e tjera evropiane të Dojçe Telekomit, është i përfshirë në eko-iniciativën për reduktimin e mbetjeve elektronike duke mbledhur pajisje të vjetra elektronike dhe duke investuar në restaurimin e habitateve natyrore në Evropë.

Eko zbritje

Aksioni ynë lokal për reduktimin e mbetjeve elektronike, i cili mban etiketën Green Magenta, filloi dy vjet më parë dhe vazhdon ende. Në të gjitha dyqanet tona, celularët e vjetër mblidhen në partneritet me “Zero Mbetje”. Për të inkurajuar abonuesit që t'i bashkohen kësaj nisme, për çdo pajisje të vjetër, ata përfitojnë një zbritje për blerjen e një telefoni të zgjuar të ri. Për momentin, zbritja vlen për blerjen e një T Phone të ri. Në këtë mënyrë, abonuesit marrin pjesë aktive në mbrojtjen e mjedisit jetësor. Deri më tani janë grumbulluar mbi 16 mijë pajisje të vjetra elektronike dhe aksioni vazhdon akoma.

Qëllimi i kësaj nisme është që të veprojmë së bashku për të reduktuar efektet e dëmshme në natyrë dhe për të krijuar një mjedis jetësor më të shëndetshëm dhe një të ardhme më të mirë për të gjithë.

Good Magenta

Së bashku për internet pa urrejtje

Si krijues të së ardhmes digjitale, detyrë e jona është të ndikojmë në krijimin e etikës së saj. Gjuha e urrejtjes në internet është një nga sfidat më të mëdha sot që prek të gjithë, veçanërisht të rinjtë. Si gjeneratë që shpenzon më shumë kohë në internet, ata janë më të ekspozuarit ndaj gjuhës së urrejtjes dhe dhunës nga bullizmi onlajn. Sipas një hulumtimi të UReport, madje 24% e të rinjve që kanë qasje në internet të paktën një herë janë ndjerë të pasigurt në internet vitin e fundit.

Bëhet fjalë për një fenomen të shoqërisë moderne që shkakton shqetësim dhe probleme gjithnjë e më shumë tek të rinjtë, por edhe tek prindërit, kujdestarët dhe edukatorët e tyre. Ndërsa ne kemi përgjegjësi për të bërë një ndryshim pozitiv, të marrim pjesë në krijimin e një hapësire të sigurt në internet.

U japim zë të rinjve të luftojnë pa internet pa urrejtje

Motivi ynë është një internet i sigurt dhe sa më shumë të rinj të luftojnë kundër dhunës dhe të inkurajojnë energjinë krijuese dhe pozitive në internet. Mendimi i bashkëmoshatarëve të tyre ka më shumë rëndësi për të rinjtë. Prandaj, mënyra se si një iniciativë do të ketë më shumë ndikim është të udhëhiqet nga të rinjtë, që ata të jenë krijues, pjesëmarrës dhe imazhe të fushatës. Kështu e krijuam nismën rinore: Së bashku për një internet pa urrejtje, me të cilën i përfshijmë aktivisht të rinjtë, u japim zë, mjete, njohuri për të luftuar për një internet pa urrejtje dhe për të qenë vetë bartës të ndryshimit.
Nisma është pjesë e një partneriteti të gjatë midis Fondacionit Telekomi për Maqedoninë dhe UNICEF-it, qëllimi i të cilës është të përfshijë fëmijët dhe të rinjtë në përballjen me disa prej sfidave më të mëdha me të cilat përballet gjenerata tyre.

Punëtori për shoqërim dhe krijim

Nisma filloi me një thirrje të hapur për fëmijët dhe të rinjtë nga vendi për të marrë pjesë në punëtori për krijimin e një fushatë për internet të sigurt. Gjatë punëtorive, 30 fëmijë dhe të rinj morën pjesë në sesione kreative në grup për të konceptuar një fushatë dhe për të zhvilluar mesazhe. Të rinjtë mësuan më shumë rreth bullizmit në internet, si ta njohin dhe parandalojnë atë, i përcaktuan qëllimet për ndryshimin e sjelljes dhe punuan në narrativin. Nëpërmjet bashkëpunimit me psikologë, ekspertë krijues dhe ekspertë komunikimi, ata punuan në planin dhe konceptin e fushatës, duke krijuar video dhe materiale të tjera komunikimi. Ata diskutuan për problemet dhe zgjidhjet e tyre, mësuan dhe punuan së bashku me profesionistë, krijuan video së bashku, aktruan pa regjisorë dhe u shoqëruan.

Fushatë rinore – Jepi fund bullizmit, baj, baj!

Nën sloganin "Jepi fund bullizmit, baj-baj", fushata përfshin mbi njëzet video për mediat sociale. Disa përfshijnë mesazhe si "Fjalët kanë peshë, prandaj zgjidhini ato me kujdes" për të tërhequr vëmendjen ndaj efekteve të dëmshme të bulizmit kibernetik. Të tjera përfshijnë mesazhe që u bëjnë thirrje vetë të rinjve të mos jenë vëzhgues pasivë dhe të ofrojnë mbështetje nëse janë dëshmitarë të bullizmit kibernetik. Fushata u nisi në mediat sociale në Ditën Ndërkombëtare Kundër Gjuhës së Urrejtjes. Pasioni, përkushtimi dhe kreativiteti i të rinjve që punuan në këtë fushatë duket qartë në produktin përfundimtar. Ne jemi krenarë për arritjen e tyre dhe besojmë se do të ndikojë pozitivisht tek shumë të rinj të tjerë.

Verzioni desktop

Versioni celular

Shkarkoni aplikacionin celular Telekom MK