Kaloi edhe një vit plot me sfida, me të cilat jemi përballur të gjithë – qytetarët, bizneset dhe ekonomia. Pandemia ende nuk po qetësohet, por besoj sinqerisht se do të ketë efekt më të matur ndaj shëndetit dhe jetës së njerëzve, ndërsa efekt rikuperues ndaj ekonomisë. Megjithatë, rikuperimi do të ecë gradualisht dhe me hapa të vegjël nën presion të inflacionit të lartë.

Si në nivelin makro, ashtu edhe në atë mikro, përveç me inflacionin, do të duhet të përballemi edhe me krizën energjetike, të shkaktuar nga çmimet e larta të energjenseve. Këto trende negative do të kenë domino efekt ndaj shumë bizneseve, të themi konkretisht në industrinë telekomunikuese, në furnizimin me komponentë elektronikë. Por nuk mundemi të presim mrekulli; dy vitet e fundit e kanë ndërruar plotësisht botën dhe pikërisht për këtë madje edhe një rritje e vogël është pozitive, e cila na sjell optimizëm.

Krahas të gjitha sfidave, e mbyllim vitin me rritje dhe rezultate pozitive në të gjitha fushat e operimit. Dhe sipas raportit të AKE për tregun e komunikimeve elektronike në tremujorin e tretë të vitit 2021, Telekomi është lider në kategorinë e telefonisë celulare dhe fikse në tregun e shërbimeve të telekomunikacionit në Maqedoni. Rezultatet e suksesshme nga puna jonë janë konfirmim dhe nxitje që të vazhdojmë me investimet në teknologjinë më të avancuar dhe shërbime më të mira për abonuesit.

Para nesh është një vit emocionues, si nga pikëpamja afariste ashtu edhe nga pikëpamja konsumatore. Përfundimisht, viti 2022 do të mbahet mend si vit, në të cilin do të fillojë revolucioni i ri industrial në Maqedoni. Makedonski Telekom me siguri do ta lansojë rrjetin e parë komercial 5G. Kjo teknologji do të sjellë një epokë të re jo vetëm në teknologji, por edhe do të na ndryshojë tërësisht jetën. Do të vazhdojmë t’i zhvillojmë platformat e qyteteve inteligjente, veçanërisht duke pasur parasysh faktin se 5G do ta hapë potencialin e vërtetë të Internetit të gjërave, teknologjisë që është bazë për qytetet inteligjente. Paralelisht me zgjerimin e rrjetit 5G, do të vazhdojmë ta zgjerojmë edhe rrjetin optik në të gjithë vendin. Teknologjitë e reja që do të jenë në fokusin tonë do të kontribuojnë për digjitalizim më të shpejtë dhe të plotë të shoqërisë, por do të jenë edhe një nga mjetet që do të ndihmojnë në luftën kundër ndryshimeve klimatike.

Edhe vitin e ardhshëm do të përqendrohemi fuqishëm që të sigurojmë eksperiencë të lartë digjitale abonuese, digjitalizim të proceseve interne në punën dhe digjitalizimin e bizneseve. Transformimi digjital nuk është më vetëm nevojë, por prioriteti kryesor dhe kjo do të mbetet si drejtim në të cilin do të lëvizim edhe më tutje.

Për Vitin e ri dëshiroj që pandemia të zbutet, ndërsa ekonomia të rritet, të gjithë të kemi më shumë kohë për familjet dhe për të afërmit, balancim mes jetës private dhe profesionale, ndërsa Telekomit i dëshiroj të mbetet lider dhe të vazhdojë të sigurojë përvojë të lartë abonuese.

Intervistë

{{Title}}