Kabllot me fibra optike bënë revolucion në botë në komunikimin rrjetor që nga momenti kur janë patentuar, para thuajse katër dekadave. Edhe pse të gjithë e dimë se kabllot optike janë dukshëm më të mirë se ato tradicionale, prej bakri, a keni pyetur veten ndonjëherë se pse?

Nëse i krahasojmë kabllot optike me ato të bakrit, menjëherë do ta shohim se ato janë më të lehta dhe më fleksibile. Por, përparësia e tyre kryesore është në atë që kanë kapacitet të bartin shumë më shumë të dhëna me shpejtësi të mëdha.

Fibrat optike janë bërë nga qelqi dhe transferojnë informacione në formë të dritës, ndërsa bakri zbaton energji elektrike. Sinjali përmes kabllove prej bakri gjithashtu udhëton shpejtë, por ajo që e bën optikën shumë më të mirë se bakri është vëllimi thuajse i pakufizuar. Fibrat optike mund të transferojnë vëllime më të mëdha, pasi drita është sinjal me frekuencë më të lartë për dallim prej bakrit tek i cili sinjali elektrik transferohet në frekuenca relativisht të ulëta.

Një karakteristikë tjetër që i jep përparësi optikës është fakti se përmes fibrave optike mund të dërgohet sinjal në mbi 200 kilometra pa u humbur cilësia, ndërsa sinjalet e bartura përmes kabllove prej bakri vuajnë prej degradimit serioz të cilësisë së distancave prej vetëm disa kilometra. Midis tjerash, kjo i referohet faktit që optika është shumë më pak e ekspozuar ndaj pengesave elektromagnetike sesa kabllot prej bakri. Nëse kabllot prej bakri nuk janë të instaluara siç duhet, ato prodhojnë rryma elektromagnetike të cilat mund të shkaktojnë degradime serioze në sinjalin e rrjetit.

Përmirësimet në teknologjinë për prodhimin e fibrave optike dhe kabllove optike në të ardhme do të mundësojë sinjalet të udhëtojnë në distanca akoma më të mëdha para se të duhej të rigjeneroheshin. Nga ana tjetër, përmirësimet e teknologjisë për transferimin e sinjaleve optike do të mundësojnë shpejtësi më të mëdha të transferimit përmes infrastrukturës ekzistuese të kabllove optike. Dy faktorët do të kontribuojnë për mundësimin e shpejtësive në terabajt, për çka ekzistojnë kërkesa reale.

Në Maqedoni Makedonski Telekom për rrjete qasëse deri më tani ka instaluar kabllo optike në gjatësi prej 5.000 km, me çka është siguruar mbulim i 37% të amvisërive, që është përqindje e madhe, në kuadër të Evropës. Gjithashtu Makedonski Telekom në kuadër të Dojçe Telekom është midis liderëve sipas shfrytëzimit të kapaciteteve instaluese për përdorimin e internetit optik.

Аrtikull

{{Title}}