E ardhmja e njeriut është e pashkëputshme nga komunikimi dhe lidhshmëria e ndërsjellë, e cila varet nga progresi i teknologjisë dhe mënyrës në të cilën e përdorim. Në disa pjesë të botës tashmë ka filluar të zbatohet standardi i ri teknologjik 5G, i cili premton lidhje më të shpejtë dhe më stabile se më parë. Njëherësh është duke u zgjeruar debati rreth zbatimit të teknologjisë 5G, mënyra në të cilën ajo do të implementohet dhe rregullohet ndërsa shtrohen edhe pyetje rreth privatësisë dhe sigurisë.

Që ta kemi pasqyrën e plotë, është e nevojshme t’u përgjigjemi pyetjeve kyçe t’i sqarojmë polemikat të cilat udhëhiqen rreth 5G, ndërsa për këtë fillimisht është e nevojshme që të mësohen gjërat.

5G është gjenerata e pestë e standardit teknologjik për komunikim në celular, i cili emrin e ka marrë si trashëgimi nga paraardhësit e tij: 1G, 2G, 3G dhe 4G. Gjegjësisht secili prej këtyre standardeve teknologjike është revolucion bashkëkohor në fushën e rrjetit celular – 1G në të tetëdhjetat e prezentoi emetimin e zërit analog përmes pajisjeve celulare, ndërsa tridhjetë vite më vonë 4G na solli valë të funksionaliteteve të reja prej transferimit më të shpejtë të të dhënave drejt lidhjes me pajisjet përreth.

Fillimi i viteve 2020 do ta shënojë standardin e ri 5G, i cili do të ofrojë shpejtësi 10 herë më të mëdha se 4G, por edhe më shumë se kaq. Në formën finale të vet dhe funksionalitetit të lartë, teknologjia 5G mund të zbatohet për ta përmirësuar jetën e njeriut dhe interaksionin e tij me mjedisin. Ajo parasheh edhe kombinimin e botës fizike, digjitale dh biologjike, çfarë do të sjellë inteligjenca artificiale, realiteti virtual, robotika... Me teknologjinë e re, realitet do të bëhen: automjetet autonome, qytetet inteligjente, operacionet dhe diagnostika në largësi, makinat që drejtojnë me makina të tjera, dronë të lidhur... Apo thënë thjeshtë, tërësisht do të ndryshojë bota në të cilën jetojmë.

Si do të implementohet standardi 5G tek ne?

Implementimi i 5G do të zbatohet si sendërtim i standardit 4G, me zhvillimin apo ndryshimin e pajisjes ekzistuese dhe vendosjen e infrastrukturës së përshtatshme për emetimin e sinjaleve përmes së cilave bëhet bartja e të dhënave. Konkretisht në vendin tonë, Makedonski Telekom i bëri testimet e para dhe rezultatet dëshmuan se rrjeti testues 5G transmeton deri në 10 herë shpejtësi më të mëdha se 4G.

Konfigurime për sigurinë e rrjetit 5G

Sa më shpesh kërkoni mbi këtë temë, aq më të mëdha janë gjasat se në internet do të gjeni miliona pyetjesh lidhur me efektet të cilat i shkakton rrjeti 5G. Organizata Botërore e Shëndetësisë (OBSH) në fillim të vitit 2020 doli me qëndrimin zyrtar se nuk janë vërejtur kurrfarë ndryshimesh shëndetësore apo efektesh tek njerëzit pas testimit të rrjetit 5G.

„Deri në këtë moment, nuk është vërejtur asnjë kundërefekt apo ndryshime në shëndetin e njeriut të shkaktuara nga ekspozimi i radio-sinjaleve të cilat emetojnë rrjetet 5G. Nëse të gjitha vendet i respektojnë masat dhe rekomandimet internacionale, atëherë mund ta shpallin rrjetin 5G si të sigurt për mjedisin dhe njerëzit“, thotë qëndrimi i OBSH-së .

Vendosjen e kufijve maksimal të ekspozimit prej rrezatimit jojonizues e bën organizata ICNIRP (International Commission on Non-Ionizing Radiation Protection) dhe rekomandimet e tyre të miratohen prej rregullatorëve kombëtarë siç është rasti edhe me R. e Maqedonisë. Agjencia për Komunikime Elektronike në pajtim me rregullativën ekzistuese ligjore bën matje të niveleve të rrezatimit jojonizues prej të gjithë operatorëve. Rekomandimet më të reja me të cilat janë përfshirë edhe frekuencat më të larta >6GHz të cilat mund të përdoren për teknologjinë 5G në të ardhmen janë publikuar në mars të vitit 2020.

Аrtikull

{{Title}}