Makedonski Telekom fillon eko-iniciativë për mbrojtjen e mjedisit jetësor, më 18 mars, Ditën Botërore të Riciklimit. Qëllimi i kësaj nisme, në të cilën do të marrin pjesë edhe abonuesit është bashkërisht të kontribuojmë për zvogëlimin e mbeturinave elektronike dhe rinovimin e sipërfaqeve të gjelbra në rajonet e përfshira nga zjarri.

Eko-zbritje për riciklim

Pajisjet e vjetra elektronike do të mblidhen në të gjitha dyqanet e Telekomit dhe do të riciklohen në partneritet me Zero Mbeturina. Për çdo pajisje të vjetër elektronike, përdoruesit përfitojnë eko zbritje prej 2.000 denarësh për blerjen e smartfonit të ri 5G. Promocioni është i vlefshëm për të gjithë përdoruesit ekzistues dhe të rinj postpejd duke lidhur kontratë të re ose duke e rinovuar kontratën në Besnik 24 ose me buxhet familjar, në periudhë 90-ditore nga dita e kthimit të pajisjes së vjetër. Zbritjen ekologjike mund ta përdorin edhe abonuesit që kanë Marrëveshje aktive për Buxhet familjar aktiv në momentin e porositjes së një pajisjeje të re. Telefonat për të cilët vlen promocioni do të shënohen në dyqanin onlajn të Telekomit. Zbritja do të aktivizohet automatikisht kur blini një celular të ri 5G dhe mund të përdoret një herë në periudhë prej 18 muajsh.

Rigjenerimi i sipërfaqeve të gjelbra

Ndryshimet klimatike çojnë gjithnjë e më shumë në fatkeqësi mjedisore që ndodhin në vendin tonë. Zjarret ekstreme në vitet e fundit kanë shkatërruar pjesën më të madhe të brezit të gjelbër dhe nxitën një thirrje për veprim konkret. Paralelisht me grumbullimin e mbetjeve elektronike, nis edhe nisma e pyllëzimit. Telekomi inkurajon abonuesit që të kthejnë masivisht pajisjet e vjetra elektronike. Për 1000 pajisjet e para të vjetra të kthyera, do të mbillen 1000 pemë në zonat e djegura. Në këtë mënyrë, përveç reduktimit të mbetjeve elektronike, përdoruesit marrin pjesë aktive edhe në rigjenerimin e pyjeve. Qëllimi i kësaj nisme është të punojmë së bashku për të reduktuar ndikimin e dëmshëm në natyrë dhe për të krijuar një mjedis më të shëndetshëm dhe një të ardhme më të mirë për të gjithë

Makedonski Telekom

press@telekom.mk

Pres Qendra

{{Title}}