ДОВЕРЛИВИ УСЛУГИ

Секоја компанија што решава да го започне процесот на дигитализација има иста цел - да ја унапреди работата и ефикасноста, а истовремено да обезбеди сигурност и заштита на податоците и документите.

Довербата е основа на деловната и комерцијалната активност, а дигиталните сертификати за електронски потпис овозможуваат електронско потпишување документи со највисоко ниво на заштита и доверба. Македонски Телеком е квалификуван давател на доверливи услуги и гордо го носи знакот за доверба, којшто гарантира дека давателите на електронски услуги и услугите за доверба коишто тие ги нудат ги исполнуваат правилата утврдени во домашната и европската законска рамка.

ЗОШТО СЕ ПОТРЕБНИ СЕРТИФИКАТИТЕ ЗА ЕЛЕКТРОНСКИ ПОТПИС?

ВО СЕКОЈДНЕВНИТЕ ТРАНСАКЦИИ

Фактури, дописи, нарачки
Документи за учество на тендер
При потпишување договори
За безбедна електронска комуникација

ЗА ЕЛЕКТРОНСКО РАБОТЕЊЕ СО ДРЖАВНИТЕ ИНСТИТУЦИИ

Поднесување даночни пријави и биланси преку системот e-даноци на Управата за јавни приходи;
Поднесување документи и потпишување понуди при учество на тендери преку системот за јавни набавки;
Фонд за здравствено осигурување за евиденција на пациенти, потпишување договори, издавање е-рецепти;
При користење на системот за е-одобрение за градење на ЗЕЛС;
При издавање податоци од геодетско-катастарскиот информациски систем на Агенцијата за катастар на недвижности преку веб-апликација „е-кат шалтер”;
При користење на едношалтерскиот систем (EXIM) на Царинската управа на РМ за електронско поднесување барања за дозволи за увоз, извоз и транзит на стоки и тарифни квоти, како и електронско издавање дозволи од страна на надлежните институции;
За пријава и одјава на работни односи преку електронскиот систем на Агенцијата за вработување;
При користење на системот за електронска достава на судски документи во сите судови низ државата;
За поднесување извештаи по електронски пат преку порталот на Агенцијата за супервизија на осигурувањето;
За електронско поднесување завршни сметки и основање правни субјекти во Централен регистар на РМ;
При авторизација на пристап до апликациите на Народна банка.

Со примената на електронските потписи може да се докаже идентитетот на потписникот, да се покаже дали документот е изменет со што се обезбедува доверливост на дигиталните трансакции. Сѐ повеќе бизниси и поединци користат електронски потписи и услуги за доверба, а со зголемениот број владини услуги достапни дигитално се очекува да има постојан раст на користењето на електронските потписи.

Дигиталниот сертификат за електронски потпис е наменет за физички лица кога го користат во свое лично име или во име на правното лице коешто го застапуваат.

Дигитални сертификати

{{Title}}