Smart Start е програма за започнување на професионалниот развој и стекнување практично искуство од страна на студенти во одлично деловно опкружување и под лидерство на врвни професионалци од Македонски Телеком.

Програмата нуди извонредни можности за студентите коишто сакаат да ја започнат својата кариера во напредна технолошка компанија и да стекнат искуство со најнови технологии.

Програма наменета за успешните
Smart Start е отворена за сите студенти од факултетите коишто се дел од оваа програма, односно, студентите од втора студиска година до крајот на дипломските студии, како и стyдентите на постдипломски студии. Македонски Телеком е компанија посветена на следењето и применувањето на глобалните текови и таа е подготвена преку Smart Start тоа да го пренесе и на младите коишто имаат желба и потреба од продлабочување на знаењето.

Програмата се состои од 11 атрактивни проекти, а секој од нив е уникатен, посебен и амбициозен во свoјата област. Преку овие проекти ја креираме дигиталната иднина, правејќи разлика на пазарот на деловни производи, создавајќи напредни дигитални услуги и користејќи ги нашите врвни технологии за нови ИТ решенија и услуги. Секоја област е подложна на промени и бара млади луѓе коишто се иновативни, креативни и постојано ќе нудат решенија, личности коишто ќе излегуваат надвор од воспоставените теории и вообичаените рамки.

Smart Start е програма со времетраење од 6 до 12 месеци којашто се состои од неколку елементи. На почетокот на ангажманот, преку програма за ориентација, студентите ќе бидат запознаени со корпоративната стратегија и вредности. Понатаму, тие ќе работат на професионални задачи во рамките на избраниот проект. Покрај стекнувањето практични професионални вештини, тие ќе научат што значи агилно работење, дизајнерско размислување и ќе ги подобрат своите компетенции.

Преку учеството во ваква програма, студентите сега имаат можност да го почувствуваат ритамот на работата во една голема интернационална компанија и практично да научат многу за разни сегменти коишто се барани на пазарот на труд. Smart Start го збогатува знаењето на учесниците, ја јакне нивната стручна самодоверба и професионална реализираност.

Пријавете се за некој од проектите, без оглед дали сте инженер или студирате во областа на ИТ, или пак вашиот фокус е на економија, маркетинг, е-бизнис, аналитика на податоци, управување со производи или некоја друга деловна област.

Сите детали се на нашата интернет Smart Start страница.

Ве очекуваме во нашиот тим!
Ваш, Македонски Телеком

Статија

{{Title}}