За нас banner

Менаџерски тим

Никола Љушев

Главен извршен директор

Никола Љушев е Главен извршен директор на Македонски Телеком од 1 јули 2018 година. Долгогодишното искуство во индустријата на телекомуникациите го градел на највисоки раководни позиции во Дојче Телеком Групацијата, во Космофон, како и во Телеком Австрија Групацијата.

Во Телеком доаѓа од позицијата Главен извршен директор на Црногорски Телеком (членка на Дојче Телеком групацијата), каде што постигнува одлични резултати и раст на компанијата. Пред да се приклучи на Дојче Телеком Групацијата, Љушев бил во највисокиот менаџмент на Телеком Австрија во Македонија како Главен извршен директор на Вип оператор од 2007 до 2015 година, а по спојувањето на Вип и Оне, и извршен директор на oне.Вип во периодот 2015-2016. Својата кариера во телекомуникации ја почна токму во Македонски Телеком во 1997 година.

Г-дин. Љушев е дипломиран електротехнички инженер во областа на електроника и телекомуникации, со надополнето образование за корпоративен менаџмент на престижни меѓународни школи и универзитети, меѓу кои и Харвард бизнис школата, ИНСЕАД, Универзитетот во Чикаго и други. Престижниот магазин Global Telecom Business – Лондон два пати го има избрано, во 2010 и 2011 година, за еден од четириесетте најдобри извршни директори под 40-годишна возраст во телекомуникацискиот сегмент во светски рамки.

Прочитај повеќе
Nikola Ljusev
Slavko Projkovski

Славко Пројкоски

Главен директор за финансии

Г-дин Пројкоски ја започна својата кариера во Македонски Телеком во 1995 година, каде бил назначуван на повеќе менаџерски позиции, главно во областа на финансиите, меѓу кои Извршен директор на Областа за контрола и Раководен директор за финансии. Токму поради резултатите постигнати во рамките на неговото работење, тој во 2007 година беше назначен на позицијата Главен директор за финансии на Македонски Телеком. Тој од 25 февруари 2010 година ја извршувал функцијата Главен директор за финансии на Македонски Телеком и T-Mobile Mакедонија, а од 8 април 2013 и функцијата Главен оперативен директор на Т-Мобиле Македонија. Пројкоски е дипломиран електроинженер и има големо искуство во телекомуникациската индустрија.

Прочитај повеќе

Бранко Станчев

Главен комерцијален директор за приватни корисници

Бранко Станчев е Главен комерцијален директор за приватни корисници на Македонски Телеком. Пред да ја преземе оваа функција, ги извршуваше функциите Главен оперативен директор за деловни корисници, како и Главен директор за корпоративни прашања.

Станчев и се приклучи на компанијата во октомври 2002 година и држеше менаџерски позиции во различни области, вклучувајќи Директор за маркетинг и комуникации, Директор за цени и CRM, Извршен директор за маркетинг, услуги, цени, големопродажба и регулатива, и Директор за големoпродажба и регулатива.

Станчев има искуство од над 18 години во скоро сите комерцијални области, вклучувајќи ги тука маркетингот, продажбата, ИКТ и големопродажба, како и областите на технологија и регулатива. Својата инженерска кариера ја започна во 1997 година како менаџер за решенија за големи корпоративни проекти, продолжи како ИТ инженер во банкарскиот сектор, по што следуваше ангажман во секторот за Истражување и развој. Пред да се придружи на Македонски Телеком, тој беше дел од врвниот менаџмент на Агенцијата за електронски комуникации.

Бранко Станчев дипломираше во 1997 година на Факултететот за електротехнички науки во Скопје, а има и Магистратура по телекомуникации и Магистратура по деловна адиминстрација.

Прочитај повеќе
Branko Stanchev
Maja Milosavlevska Naumovska

Маја Милосавлевска Наумовска

Главен директор за техника и ИТ

Маја Милосавлевска Наумовска е Главен директор за техника и ИТ во Македонски Телеком, од 1 август 2022 година.
Маја е дипломиран инженер по компјутерски науки и информатичка технологија, докажан професионалец со 22-годишно искуство во телекомуникациската индустрија во областа на техника и ИТ. Нејзината сеопфатна експертиза и искуство вклучува планирање и развој на мрежи, трансформација и интеграција на системи, ИТ и мрежни операции, имплементација на мобилни и фиксни радио пристапни мрежи, развој на решенија за дата центри и слично.

Прочитај повеќе

Ви требаат ли повеќе информации?

Десктоп верзија