Како партнер на скопската Зоолошка градина, Македонски Телеком е дел од новата приказна – Дино паркот, омиленото место на децата. За едно поинакво, дигитално доживување на Дино паркот, апликацијата Skopje ZOO е надградена со нови фукционалности.

„Македонски Телеком е долгогодишен партнер на скопската Зоолошка градина, а дополнителна вредност на партнерството е Skopje ZOO - апликација за дигитално искуство со која Телеком ја става технологијата во функција на граѓаните. Креирана е за едукација, навигација и електронски билети за сите граѓани, особено за најмалите.

Skopje ZOO отсега има и нови содржини за Дино паркот, за децата да можат интерактивно и дигитално да се едуцираат и да се забавуваат со интересни содржини за диносаурусите“. – изјави Бранко Станчев, Главниот комерцијален директор за приватни корисници на Македонски Телеком.

Апликација отсега, во табот Дино парк на главното мени, има нови текстуални и аудио информации и интересни факти за сите видови диносауруси. Дополнета е и дигиталната мапа и навигацијата, а отсега, освен електронски билети за посета на скопската Зоолошката градина, достапна е и опција за купување единечен билет за Дино паркот.

Skopje ZOO апликацијата, којашто е креирана за интерактивно искуство на скопската Зоолошка градина и во иднина ќе се надградува со нови функционалности со цел граѓаните да имаат можност за уште многу забавни и едукативни содржини.

Достапна е во три јазични верзии, а може да се преземе бесплатно од: App store и Google Play

Статија

{{Title}}