Монтажна општа амбуланта за безбедни услови за лекување и преглед на најмалите пациенти

Македонски Телеком во заедничка акција со вработените донираше монтажна општа амбуланта на Универзитетската клиника за детски болести. Намената на оваа донација е создавање безбедни услови за лекување и заштита на децата од потенцијален ризик од ковид 19.

Објектот, кој е во состав на клиниката, има соба за интервенции, соба за преглед на пациенти, сестринска соба, тоалет, шалтер и чекална и ќе функционира согласно сите стандарди за безбеден третман на пациентите.

Во амбулантата ќе се прегледуваат малите пациенти кои се итни случаи или се лекуваат на клиниката, а кои не смеат да бидат изложени на ризик. На овој начин децата ќе бидат физички дистанцирани од другите пациенти кои се закажани во Мој термин.

Во услови на пандемија, заштитата на здравјето на децата е најголем приоритет. Оттаму тргна идејата за заедничка донација за Детската клиника која се реализираше преку донаторска акција на вработените, а компанијата придонесе со дополнување на сумата до потребниот износ за набавка на монтажната амбуланта.

Со оваа донација, помагаме во создавањето побезбедни услови за лекување и преглед на малите пациенти на Клиниката за детски болести во Скопје.

Прес центар

{{Title}}