Фондацијата T-Mobile за Македонија во партнерство со „Ериксон“ донираа техничка опрема на Националниот сојуз за глуви и наглуви лица на Македонија и на Заводот за рехабилитација на деца со оштетен слух „Кочо Рацин“ Битола.

Донацијата се состои од проектори, лап топ компјутери, видео камери, телевизори, принтери/скенери и платна за проектирање. Опремата ќе послужи за изучување на знаковниот јазик и ќе го зголеми квалитетот на наставата. Со помош на опремата овие лица ќе можат да организираат масовни собири, да евалуираат предавачи, да проектираат видео материјали, да реализираат обуки.

Заводот за рехабилитација на деца со оштетен слух „Кочо Рацин“ Битола е единствена установа од овој тип, каде престојуваат ученици од цела Македонија. Заводот е прва дефектолошка установа во земјава која постои 62 години.

Националниот сојуз на глуви и наглуви лица на Македонија е асоцијација од 17 меѓуопштински и градско здружение на Скопје во кои членуваат околу 6000 регистрирани членови. Целта на Сојузот е првенствено да се пристапи кон организирано решавање на проблемите на глувиот човек.

Долгорочно, оваа донација ќе придонесе кон унапредување на образованието на глувите лица, особено на децата и афирмација на знаковниот говор.

Донацијата е продолжување на низата донации на Фондацијата во последниве години, кои ги имаат во фокусот ранливите групи и децата.

Информации

{{Title}}