Се воведува нова мултимедијална платформа од следна генерација базирана на Интернет Протокол
Платформата овозможува конвергентни мултимедијални услуги со врвен квалитет и иновативни начини за користење на неограничените можности што ги нуди интернетот
Модернизацијата на мрежата, инвестиција во вредност од 14 милиони евра, ќе се комплетира до крајот на 2013 година, до кога сите претплатници треба да бидат префрлени на новата платформа

Македонски Телеком започнува со проект за модернизација на мрежата со воведување на нова мултимедијална платформа од следна генерација базирана на Интернет Протокол. Со оваа платформа, која ќе ги замени постојните дигитални телефонски централи, ќе се овозможи воведување на нови конвергентни мултимедијални услуги со врвен квалитет и иновативни начини за користење на неограничените можности што ги нуди интернетот.

Со оваа капитална инвестиција од 14 милиони евра, Македонија ќе биде првата земја во Југоисточна Европа која ќе има мрежа целосно базирана на интернет протокол.

Модернизацијата на мрежата, започнува во октомври и се планира да биде целосно имплементирана до крајот на 2013 година. Процесот ќе се одвива етапно по фази и по региони. Во првата фаза ќе бидат опфатени регионите Скопје (Центар, Кисела Вода), Гевгелија, Тетово и Велес.
“Во наредните години најголемите инвестиции ќе бидат насочени кон модернизација на мрежите за уште повеќе да се зајакне нивниот капацитет. Тоа им го ветивме на корисниците и веќе го исполнуваме. Оваа инвестиција е само почеток на планот за инвестиции од 170 милиони евра во наредните години, од кои 150 милиони се во фиксната мрежа. Овој проект, на граѓаните ќе им донесе телекомуникациски решенија од следната генерација - иновативни начини за користење на неограничените можности што ги нуди интернетoтот“ – изјави Даниел Сас, Главен извршен директор на Македонски Телеком.

Освен комплетната замена на постојните дигитални телефонски централи, модернизацијата на мрежата вклучува и инсталирање на интегриран уред за пристап кај корисниците кои досега не користеле широкопојасен интернет. Уредот ќе се дава на бесплатно користење, а инсталирањето ќе го вршат технички лица и во просек ќе трае само 15 минути, за што корисниците ќе бидат навремено известени од Контакт центарот на Македонски Телеком. Корисниците кои користат Call & Surf или 3 Max пакети веќе го имаат овој уред.

На уредот ќе се приклучуваат сите комуникациски уреди кои можат да се користат дома – домашен телефон, MaxTV, компјутер, лап топ, смартфон, како и сите нови типови телевизори, веб камери, интернет радија итн.

Во иднина сите вакви домашни уреди ќе можат да се управуваат или контролираат преку интернет, на сличен начин како што сега MaxTV корисниците можат да закажат снимање од својот компјутер или мобилен телефон од секаде каде што има интернет врска.
Во рамките на проектот, Македонски Телеком ќе им овозможи на корисниците и дополнителни поволности - оние корисници кои досега користеле само говорни услуги, по префрлувањето на новата платформа ќе имаат еден месец бесплатен пристап до интернет, без никакви обврски. А, постојните корисници на широкопојасни услуги - три месеци неограничен пристап до интернет, без дополнителен надомест.
По повод започнувањето на проектот, а во согласност со стратегијата на Македонски Телеком за корпоративна одговорност, најдобрите 10 студенти од Факултетот за електротехника и информациски технологии и од Факултетот за информатички науки и компјутерско инженерство, добија една година бесплатно користење на 3 Max пакетите.

Информации

{{Title}}