Дојче Телеком Групацијата гарантира безбедно користење на мобилните комуникации. Гаранциите се засновуваат на тековни наоди од независни национални и меѓународни стручни тела, какви што се, на пример, Меѓународната комисија за заштита од нејонизирачко зрачење (ICNIRP) и Светската здравствена организација (WHO).

Ова целосно се однесува и на 5G комуникацискиот стандард кон којшто се стремиме, зашто нашата крајна цел е да направиме сопствена инфраструктура и сопствени нови производи на полето на мобилните комуникации кои ќе овозможат ефикасно користење на ресурсите, а притоа да бидат погодни за животната средина и безбедни за здравјето на луѓето.

Клучниот „играч“ и фактор во процесот

Политиката за електромагнетни полиња е усвоена 2004 година и се применува насекаде во Дојче Телеком Групацијата. Таа е клучен „играч“ и фактор во целиот овој процес, зашто ги утврдува стандардизираните минимални барања во областа на мобилните комуникации и здравјето. Политиката за електромагнетните полиња ја наметнува обврзувачката рамка на сите национални компании за мобилна комуникација во Групацијата, со што се осигурува дека темата за мобилни комуникации и здравјето е нешто на кое му се пристапува крајно сериозно. Прифаќањето на Политиката за електромагнетни полиња е прифаќање и на принципите за транспарентност, јасни информации, учество на локалните власти, како и финансирање на истражувања поддржани од Дирекцијата на Групацијата.

Контрола на електромагнетните полиња

Политиката за електромагнетни полиња подразбира и нивна целосна контрола. Агенцијата за Електронски Комуникации согласно постоечката законска регулатива постојано врши мерења на нивоата на нејонизирачко зрачење на сите оператори и истите јавно ги објавува на својата веб страница. Дополнително, сите базни станици мора да поседуваат решенија за поставување во чијшто процес на издавање, АЕК издава Согласност за нивно поставување. Оттаму, едноставно е невозможно да се надминат дозволените вредности на изложеност на електромагнетните бранови. Постојаните мерења го потврдуваат токму тоа, дека вредностите се пониски од максимално дозволените (до 300 GHz) што претставува стандард издаден од Меѓународната комисија за заштита од нејонизирачко зрачење (ICNIRP) и прифатен од Светската здравствена организација (WHO) како безопасен за луѓето.

Електромагнетните бранови и 5G

Новите безжични апликации и технологии коишто го вклучуваат и 5G стандардот секако се така дизајнирани што мора да се вклопат во зададените рамки и ограничувања коишто не се специфични за одделна технологија, туку се применлива за секоја, па и за 5G. Почитувањето на зададените мерки и вредности, според релевантните институции, нуди комплетна и целосна заштита на луѓето.

Статија

{{Title}}