Собранието на Македонски Телеком АД – Скопје на денешната седница одржана на 10.12.2010 година, за нов независен неизвршен член на Одборот на директори на Македонски Телеком, го избра г-дин Тамаш Вагани. Истовремено, на денешната седница, Собранието ги реизбра г-дин Јанош Сабо и г-дин Горан Ивановски за неизвршни членови на Одборот на директори на Македонски Телеком.

И Собранието на T-Mobile Македонија АД Скопје одржа своја седница, на која за нови неизвршни членови на Одборот на директори на T-Mobile Македонија се избрани г-дин Владимир Здравев и г-динТамаш Вагани. За неизвршен член на Одборот на директори на T-Mobile Македонија е реизбрана г-ѓа Ирена Мишева. На одржаните седници, двете Собранија ја констатираа и поднесената оставка на г-дин Анти-Јуси Лумијарви, независен неизвршен член на Одборот на директори на Македонски Телеком и на T-Mobile Македонија.

Собранието на T-Mobile Македонија, на денешната седница го реизбра г-дин Жарко Луковски за член на Одборот на директори на T-Mobile Македонија. Г-динот Жарко Луковски од страна на Одборот на директори на T-Mobile Македонија беше реизбран и како извршен член на Одборот на директори со функција на главен извршен директор на T-Mobile Македонија.

Истовремено заради успешно продолжување на соработката помеѓу главните акционери, Собранието на Македонски Телеком го реизбра г-динот Николај Бекерс за член на Одборот на директори на Македонски Телеком АД – Скопје, кој исто така од страна на Собранието на T-Mobile Македонија беше реизбран и за неизвршен член на Одборот на директори на T-Mobile Македонија.

Информации

{{Title}}