Делуваме здружено за заштитата на животната средина, како наша приоритетна стратешка определба!

Македонски Телеком, заедно со останатите европски подружници на Дојче Телеком, е вклучен во еко иницијатива за намалување на електронскиот отпад и инвестирање во обновата на природниот хабитус во Европа! Со заеднички сили и учество во глобалната иницијатива #GreenMagenta, нашата цел е да собереме еден милион стари електронски уреди до 2024.

Македонски Телеком ја започна локалната еко-иницијатива во март 2022 година со цел намалување на електронскиот отпад, но и со уште една поголема цел - обнова на подрачјата коишто минатото лето беа зафатени од големите пожари.

Со нашиот систем на враќање стар електронски уред во која било продавница на Телеком, ние ги поттикнуваме корисниците да се вклучат во оваа иницијатива, а за возврат тие добиваат попуст за купување нов смартфон. Компанијата соодветно го собира електронскиот отпад во партнерство со Нула отпад и инвестира во обновата на регионите погодени од пожарите. За 1000 вратени стари електронски уреди, предвидено е да се засадат 1000 дрвја.

Оваа иницијатива, којашто е сѐ уште во тек, се покажа како извонредно успешна! Досега се вратени дури 4000 електронски уреди и со тоа се обезбедени и исто толку садници, коишто ќе бидат насадени во текот на есента, во временски услови погодни за садење. На овој начин, освен во намалувањето на електронскиот отпад, корисниците активно учествуваат и во обновата на шумите. Токму и целта на оваа иницијатива е сите заедно да дејствуваме за намалување на штетните влијанија врз природата и да создадеме поздрава животна средина и подобра иднина за сите.

Македонски Телеком и понатаму останува верен на својата заложба за постигнување позитивна промена во општеството преку директно вклучување во процесот на зачувување на животната средина и нејзините ресурси. Потребна е заедничка визија и колективни напори за да дојдеме до суштинска промена, па затоа Телеком ги повикува корисниците и граѓаните да се приклучат и со свој личен придонес да учествуваат во глобалната промена.

Видео

{{Title}}