Гопалан е избран за нов член на Одборот за Европа, со важност од 1 јануари 2017 година
Новиот член на Одборот за Европа има големо искуство со работа со корисници

Надзорниот одбор на Дојче Телеком го избра Срини Гопалан за нов член на Одборот за Европа. Срини Гопалан, во моментов Директор за приватни корисници за Индија во Bharti Airtel Limited, индиска телекомуникациска компанија, ќе му се придружи на Дојче Телеком на 1 октомври и по периодот за прилагодување ќе ги преземе должностите на Клаудија Немат којашто ќе управува со новиот сектор на Одборот за технологија и иновации и ќе се откаже од надлежноста за сегментот за Европа – со важност од 1 јануари 2017 година.

„Срини Гопалан со себе носи голем број предности: ја познава компанијата и индустријата, има меѓународно искуство и соодветен став во однос на продолжувањето на успешната работа на Клаудија Немат, вели Улрих Ленер, Претседавач на надзорниот одбор на Дојче Телеком.

„Со нетрпение чекам да работам со Срини Гопалан. Од една страна ги зајакнуваме технологијата и ИТ со нова област на Одборот, а, од друга страна, ја зајакнуваме нашата експертиза за маркетинг и продажба со нашиот нов раководител за Европа кој има огромно искуство со работа со корисници“, вели Тимотеус Хотгес, Главен извршен директор на Дојче Телеком.

Во текот на својата работа во Bharti Airtel, Srini Gopalan беше одговорен за бизнисот со приватни корисници во 23 различни региони на Индија, во којшто покрај мобилната телефонија спаѓаа и широкопојасните конекции и сателитската ТВ. Неговата работа се фокусираше на генерирање на USPs преку иновативни понуди, што помогна Airtel да се диференцира на пазарот којшто е многу чувствителен на цени. Пред да се приклучи на Bharti Airtel, Срини Гопалан над десет години работеше во ОК – прво на голем број на функции за Capital One, американски провајдер на финансиски услуги, којшто го напушти како Управен директор за ОК во 2009 година. Потоа работеше како Главен директор за маркетинг во T-Mobile UK, каде што беше одговорен за маркетинг и продажба. Тој беше дел од менаџерскиот тим што го доведе T-Mobile UK до заедничкиот потфат со Orange: everything-everywhere. Потоа три години бил Директор на единицата за бизнис со приватни корисници во Vodafone UK.

Срини Гопалан студирал Деловна администрација на реномираниот St. Stephen’s College во Њу Делхи и подоцна се стекнал со магистерска титула на IIM Ahmedabad, водечката бизнис школа во Индија.

Дополнителни информации за медиумите можат да се најдат на:

www.telekom.com/media

Соопштенија за медиуми

{{Title}}