Одборот на директори на Македонски Телеком на денешниот состанок, го назначи г-динот Тибор Видош за нов Раководен директор за клучни прашања во Македонски Телеком, со мандат од 1 октомври 2011 година. Г-динот Видош, од страна пак на Одборот на директори на T-Mobile е избран за извршен член на Одборот на директори на T-Mobile, во функција на Главен оперативен директор на T-Mobile, со мандат од 1 октомври 2011 година.

Г-динот Тибор Видош доаѓа од Унгарија. Тој има големо професионално искуство во повеќе меѓународни корпорации. Во рамките на својата богата кариера, г-дин Видош управувал со корпоративните комуникации, односите со владините институции, како и регулативните активности на повеќе компании меѓу кои и Invitel Telecommunication, втората по големина компанија за фиксна телефонија во Унгарија. Во Црногорски Телеком, каде професионално бил ангажиран повеќе од пет години, тој бил на чело на Областа за регулатива и право, а бил и член на Менаџмент колегиумот на доминантниот фиксен и мобилен оператор во Црна Гора.

Г-динот Видош доаѓа на местото на г-динот Клаус Милер, кој заради продолжување на својата професионална кариера на друга позиција во рамките на Дојче Телеком групацијата се повлече од позициите Раководен директор за клучни прашања во Македонски Телеком и од местото извршен член на Одборот на директори на T-Mobile, во функција на Главен оперативен директор на T-Mobile.

Одборите на директори на Македонски Телеком и на T-Mobile, му се заблагодарија на г-динот Клаус Милер за неговиот ангажман во изминатите четири години, во кои се докажа како вистински професионалец на полето на корпоративната стратегија, односите со клучните акционери во Македонски Телеком, а забележителен е и неговиот ангажман во одржувањето на лидерската позиција на T-Mobileна пазарот. Истовремено, Одборите на директори Македонски Телеком и на T-Mobile му посакаа успешна професионална кариера на г-динот Милер и во иднина.

Информации

{{Title}}