Според ОН, се предвидува до 2050 година дури 68% од населението да живее во големи градови. Зголемувањето на светската популација (80 милиони годишно), загадувањето на воздухот, неекономичното трошење на ресурсите се само дел од проблемите со кои се соочуваме во модерното живеење.

Технологијата може да биде клучен фактор за надминување на економските и еколошките предизвици, а иновативните решенија за паметен град да ги искористиме како најголем адут во борбата за здрава животна средина, решавање на градските проблеми и унапредување на урбаното живеење.

Со концептот паметни градови преку напредните дигитални технологии ќе се оптимизираат градските ресурси, ќе се намалат оперативните трошоци во електрична енергија и одржување, ќе се обезбедат подобри услуги за граѓаните и посигурен и поквалитетен живот.

Македонски Телеком, во соработка со општините го направи првиот поголем чекор кон паметни градови, со реализација на проект за паметно улично осветлување. Македонска Каменица, Чешиново – Облешево и Василево се првите општини во земјава со паметно улично осветлување. Ова решение ќе донесе подобра осветленост на улиците и јавните места за 60%, намалување на сметките за електрична енергија на општините до 85% и најважното: намалување на штетните емисии на јаглерод диоксид во воздухот.

Доколку сите општини воведат паметно улично осветлување и се продолжи со посеопфатна имплементација на решенија за паметен град, ќе се направи вистинска промена во економска и еколошка смисла. Преку решенијата за паметен град, технологијата се користи како алатка за поквалитетен живот.

Статија

{{Title}}