Дигитализацијата е единствениот пат по кој бизнисите, институциите и поединците треба да се движат за да фатат чекор со новото време. Овој термин се употребува многу слободно и се поставува прашањето што навистина е потребно за дигитална трансформација на општеството.

Дигиталната трансформација почнува со дигитална размена на електронски документи преку дигиталните сертификати. Овие т.н доверливи услуги се „лична карта“ во дигиталниот свет.

Дигитален сертификат за електронски потпис e електронска верзија на личниот потпис на корисникот во дигиталното работење.

Дигитален сертифкат за електронски печат е сертификат на идентитет на правно лице, односно електронска верзија на корпоративниот печат.

Македонски Телеком е сертифициран издавач на овие доверливи услуги, кои станаа многу позначајни за време на covid кризата, која ја забрза дигиталната трансформација. Многу компании и физички лица во моментот ги користат дигиталните потписи и печати со што си го олеснуваат оперативното функционирање. Со нив се заштедува многу време, се овозможува мобилност во функционирањето и се избегнува физичко присуство,чекање по шалтери и гужви. Сигурноста на податоците е уште еден значаен фактор, зашто податоците се заштитени од неовластени промени, што во време на зајакнување на cyber безбедноста е повеќе од потребно.

Дигиталните сертификати ги користат многу субјекти како на пример: за електронско поднесување даночни пријави, завршни сметки и основање правни субјекти, за пријава и одјава на работни односи, издавање податоци за урбанистички планови, е-услуги МИОА, Централен регистер, Фонд за здравствено осигурување, банки итн.

Дополнително, употребата на овие услуги за дигитална идентификација влијаат позитивно и на целото општество, со тоа што може значително да го зголемат бруто домашниот приход, да го поедностават пристапот на пазарите на трудот, а истовремено да ја зголемат транспарентноста и да ја намалат можноста од злоупотреба. Дигиталните сертификати се првиот чекор кон дигитална трансформација на општеството кои освен бенефит за компаниите може да донесат голема општествена и економска промена и раст.

Вест

{{Title}}