Вработените во Македонски Телеком и Т-Mobile Македонија денеска на Црвениот Крст на Република Македонија му предадоа донација од над 200 кутии со книги, играчки и облека, како дел од активностите за одбележување на Светската недела за кориснички услуги. Хуманитарната активност на вработените во Македонски Телеком и Т-Mobile Македонија е дел од многуте активности водени од начелата на корпоративната култура во компаниите, важечка на ниво на Дојче Телеком Групацијата.

Во рамките на одбележувањето на Светската недела на кориснички услуги, Македонски Телеком и Т-Mobile Македонија подготвија и низа симпатични изненадувања за своите корисници. На овој начин, компаниите ја покажуваат својата грижа за задоволување на потребите и барањата на корисниците, односно напорите за беспрекорно функционирање на услугите и производите кои го носат Т брендот.

Светската недела на кориснички услуги, секоја година ја одбележуваат илјадници компании во светот во првата седмица на месец октомври. Т-Mobile, годинава по шести пат ја одбележува Светската недела на кориснички услуги. За прв пат, во славењето сега се вклучува и Македонски Телеком, од каде се убедени дека ова ќе прерасне во една убава традиција. Мотото на Светската недела на кориснички услуги 2010 е „Традиција на услужност“.

Информации

{{Title}}