Во наградениот видео спот на Кети Пери, специјален проект на Кети Пери и T-Mobile, учествуваа 20 македонци.

Нокиа театарот во Лос Анџелес, беше местото каде вчера се одржа доделувањето на MTV Video Music Awards. На гламурозната музичка манифестација, атрактивната Кети Пери доби дури три MoonMan статуетки меѓу кои и најголемата награда на настанот за најдобар видео спот на годината за “Firework”, кој произлезе како резултат на соработката на Кети Пери со Т-Mobile, а во кој учествуваа и 20 Македонци.
Дваесет и шест годишната поп-икона, која повторно успеа да се истакне со својот неверојатен стајлинг и оригиналност, беше изведувач со најмногу номинации. Освен наградата за најдобро видео на годината за Firework, Кети Пери ги понесе и наградите за најдобра соработка и најдобри визуелни ефекти за дуетот за песната „E.T.“ со Канје Вест.

Снимањето на екстравагантниот видео запис за песната „Firework”, беше и уникатна можност за голем број талентирани млади луѓе да земат учество во нејзиниот спот и да бидат дел од една неверојатна продукција. Дел од снимањето во Будимпешта беа и 20-тина фанови од Македонија заедно со 230 млади луѓе од различни европски земји.

Всушност, станува збор за специјален проект на Кети Пери и T-Mobile. Корисниците на T-Mobile од 8 европски земји, меѓу кои и Македонија, имаа единствена можност да ја покажат својата внатрешната искра, да го покажат својот талент кои послужија како инспирација за овој видео спот.

Честитки до 20-те македонци кои ја пронајдоа својата искра и со тоа беа дел од најдобриот музички спот во светот за минатата година. Т-Mobile и понатаму ќе продолжи да создава неповторливи и прекрасни моменти за споделување за своите корисници.

Информации

{{Title}}