Од денеска, г-динот Даниел Сас стапува на функцијата Главен извршен директор на Македонски Телеком АД-Скопје. Г-динот Сас, во исто време ја превзема и функцијата Претседател на Одборот на директори на T-Mobile Македонија АД.

Новиот Главен извршен директор на Македонски Телеком, г-динот Даниел Сас доаѓа во Македонија од позицијата член на Одборот на директори на Црногорски Телеком, претседател на Одборот на директори и Претседател на Менаџмент Колегиумот на Црногорски Телеком. За време на четиригодишниот мандат, тој ја води оперативната, организациската и деловната транзиција на Црногорски Телеком. Под негово раководство, компанијата израсна во лидер во областа на иновации и технологии носејќи им нови, иновативни производи на корисниците, следејќи ги современите глобални телекомуникациски трендови. Наспроти пазарните предизвици и глобалната макроекономска нестабилност, г-динот Сас успешно ја спроведува стратегијата на Црногорски Телеком и создава стабилна основа за раст и развој на компанијата.

Во рамките на својата успешна кариера, г-динот Даниел Сас бил на различни менаџерски и финансиски раководни позиции во компании од автомобилската индустрија, како што се Opel и GM Daewoo. Во 2004 година преминува во T-Online Hungary Plc, како главен директор за финансии, при што за време на неговиот ангажман дава значаен придонес за распространување на широкопојасниот интернет, една од областите на деловното работење на Маѓар Телеком која покажува најдинамичен развој.

„Македонски Телеком ќе остане лидер на пазарот и носител на промени, иновации и успеси. Ќе направиме сè, со цел да го испорачаме само најдоброто кон нашите корисници, вработените, граѓаните и нашите акционери. Во исто време, ќе ја задржиме оригиналноста како препознатлива карактеристика на нашата понуда и ќе продолжиме да обезбедуваме само услуги според највисоки стандарди за квалитет. Исто така, ќе го задржиме веќе заслужениот епитет - општествено одговорна компанија. Модерниот корисник бара иновативни услуги и продукти коишто ќе го збогатат и олеснат неговото секојдневие, а ние ќе им излеземе во пресрет на сите негови барањa. Очекувам Македонски Телеком и T-Mobile да ги видам како едни од најзначајните играчи, не само во рамките на бизнис заедницата, туку и во други различни области коишто се од суштинско значење за развојот на македонското општество“, изјави г-динот Даниел Сас.

Информации

{{Title}}