Со цел унапредување на аматерскиот спорт и развивање на спортскиот дух кај младите, Македонски Телеком и T-Mobile го поддржува одржувањето на годинешниот „АP Streetball tour“. Турнирот „Streetball“ или улична кошарка, кој започнува од денеска и ќе трае до недела (19.06.2011) се оддржува на кошаркарскиот терен на хотелот „Александар Палас“.

На годинешниот турнир во улична кошарка, се пријавени 30 аматерски играчи, поделени во две категории, за млади под и над 16 години. Овие млади ќе се борат за освојување на првите три места, а награда ќе добие и најдобриот „шутер на тројки“ во рамките на турнирот.

Македонски Телеком и T-Mobile, како поддржувачи на турнирот, на победниците ќе им доделат при-пејд пакети.

„Како социјално одговорни компании, Македонски Телеком и T-Mobile посветуваат големо внимание на развој и унапредување на спортот, посебно кога станува збор за поттикнување на тимскиот дух кај младите генерации, кои се зависни од ваков тип на адреналин. Ние и во иднина ќе продолжиме да ги поддржуваме спортските активности и настани, со цел да им овозможиме на младите правилно да се развиваат, да го збогатиме и подобриме квалитетот на нивниот живот “, изјави Верче Георгиевска Рупиќ, портпарол на Македонски Телеком и на T-Mobile.

Турнирот „Streetball“ или улична кошарка е варијација на кошарката, која се игра претежно на терени на отворено и вклучува значително мал дел од формалната структура и правилата на кошарката. „Streetball“ се игра на една половина од стандардниот кошаркарски терен, односно на еден кош, и претставува натпревар помеѓу два тима составени од по 3 до 5 членови.

Информации

{{Title}}