Снимањето на првиот вистински патеписен филм поддржан од Дојче Телеком, со учество на публиката, започна во Ротердам
Во Македонија „Move on“ доаѓа кон средината на август
Габриела Марцинкова од Словачка ќе ја има главната женска улога, наспроти ѕвездата на патеписниот филм Мадс Микелсен

Првиот интерактивен и патеписен филм со поддршка на Дојче Телеком, започна да се снима во Холандија под режисерката палка на Азгер Лет. Покрај ѕвездата Мадс Микелсен, главната женска улога во филмот ќе ја игра актерката од Словачка, Габриела Марцинкова.

Почнувајќи од Ротердам и Амстердам, филмската екипа ќе патува низ осум земји во Европа и ќе го сними филмот за само шест недели. Во Македонија, „Move on“ е предвидено да се снима во средината на август. Покрај Холандија и Македонија, патеписниот филм ќе се снима и во Германија, Австрија, Словачка, Унгарија, Хрватска и Црна Гора.

Габриела Марцинкова, го привлече вниманието на меѓународната филмска заедница работејќи со признаени режисери, вклучувајќи ги Нил Џордан и Фернандо Меирелес.

„Габриела е одличен дополнителен член на семејството на „Move on“. Одличниот нов креативен талент е една од клучните мотивации во срцето на овој многу посебен проект и ние сме пресреќни што една импресивна нова ѕвезда ни се приклучи на ова патување. Возбудени сме заради почнувањето на снимањето. Учеството на корисниците навистина инспирира и со нетрпение го очекуваме продолжувањето на овој пат“, изјави режисерот Асгер Лет.

„Move on“ веќе се докажа како поучен и освежувачки креативен проект за Дојче Телеком, кој ни овозможи да создадеме интеракција со нашите корисници на еден сосема нов начин. При разгледувањето на еклектичните записи кои доаѓаат, возбудливо е да се биде сведок на еволуцијата на технологијата и како таа може да ослободи една креативна соработка од вакви размери“, истакнува Волфганг Кампрартолд, заменик претседател за Меѓународни маркетинг комуникации и спонзорство во Дојче Телеком.

Тимот на „Move on“ сè уште е во процес на разгледување на сугестиите за другите клучни интерактивни елементи од продукцијата. Токму затоа, T-Home и T-Mobile ги информираат заинтересираните од Македонија дека останува уште многу малку време да се пријават и да дадат свој придонес во овој уникатен проект, предводен од вистинска холивудска екипа.

Информации

{{Title}}