Makedonski Telekom si një prej lojtarëve më të rëndësishëm në mjedisin afarist të Maqedonisë ka përgjegjësi të vendos standarde dhe të jetë fuqi lëvizëse në zhvillimin e shoqërisë. Misioni ynë është ta pasurojmë dhe zhvillojmë cilësinë e jetës së qytetarëve në Republika e Maqedonisë së Veriut, ndërsa në të njëjtën kohë ta përmirësojmë edhe mjedisin në të cilin jetojmë. Prandaj, në vazhdimësi mbështesim ngjarje të rëndësishme kulturore dhe sportive, dhurojmë dhe investojmë në arsim, shëndetësi, mbrojtje sociale dhe mbrojtje të fëmijëve, duke i promovuar vlerat e pranuara universale për përgjegjësi shoqërore.

Sporti, muzika dhe kultura janë shtyllat kryesore të strategjisë për sponsorime të Makedonski Telekom.

Kështu, me mbështetjen tonë, e ngritëm sportin në nivel më të lartë, duke e vazhduar bashkëpunimin me klubin tonë më të mirë të hendbollit dhe futbollit “Vardar”, ndërsa u bëmë edhe sponsor i përgjithshëm i Ligës së biznesit në futboll të vogël. Si mbështetës të sportit, vendosëm që Arena nacionale “Filipi II” të ribrendohet në “Telekom Arenë”. Me nënshkrimin e Marrëveshjes për bashkëpunim me Shoqërinë aksionare për ndërtimin dhe ekonomizimin me hapësirë banesore dhe afariste, Makedonski Telekom tregoi se arena nacionale fiton një partner afarist të sigurt dhe të besueshëm në të ardhmen.

Në mënyrë tradicionale e mbështesim Maratonën e Ohrit në not e cila u shndërrua në manifestimin më të madh sportiv. Përveç sportit, vazhdimisht investojmë edhe në muzikë, si një prej segmenteve më të rëndësishme shoqërore. Me vite jemi partnerë të Xhaz festivalit të njohur të Shkupit, si dhe të festivaleve muzikore për fëmijë siç janë “Zllatno sllavejçe” (Bilbili i artë), “Potoçinja” (Burime) dhe “Grozdoberçe” (Vjelësi i rrushit) dhe festivalit të këngëve shqipe për fëmijë“Ylberi”. Mbështetjen tonë e kanë edhe yjet e muzikës Karolina, Elena Ristevska dhe Adrian Gaxha.

Në mënyrë të pakursyer investojmë edhe në kulturë. Në mesin e ngjarjeve më të rëndësishme i veçojmë Verën e Ohrit, manifestimin në të cilin miq jemi për një kohë të gjatë, më pas “Operën dhe baletin e Maqedonisë”, festivalin e teatrit të rrugës “Baskerfest” etj.

Ishim partnerë edhe në manifestimet tradicionale shqiptare në Republika e Maqedonisë së Veriut: “Milingona e artë”, “Tingujt e Çarshisë”, “Ansamblit Ibe Palikuqi” si dhe “Verës kulturore tetovare”.

INFORMATA NGA BERZA

Makedonski Telekom AD Skopje

QASJE E SHPEJTË DERI:

Operatorët vendas

SHËRBIMI I SHFRYTËZUEYVE

122

kontakt@telekom.mk

pageArea reserved, leave empty!!!